بعدت عنى و عن زمانى

يا اللى بعدت عنى و عن زمانى...
هتفتكرنى و ال هتنسانى.....؟
هتفتكر اغانى هوايا ... و ساعات الفرح معايا....؟
هتفتكر مشاويرنا مع القمر.... و نقوشنا على الشجر...؟
لو تسالنى ...ازاى تفتكرنى ...؟
ما انت عارف ... انا فين و شايف....
فيها و هى جية مع الفجر....فيها و هى بتنام فى البحر....
فيها و هى جية تضحك ....و لما بتواسى جرحك....
فى الشمس اللى قلتلى فى يوم.....انها نايمة فى عيونى....
و كنت دايما حبيبى تلوم غرامى بيها و جنونى....
اوعى تنسانى فيها....
اوعى تشوفها و ما تفتكرنيش.....
هاصبح عليك بيها ...و اموت فيها و انت تعيش....
و تانى يوم ارجع بشروق و نهار جديد....
اغنى و انت تسمع....و تعيش على طول سعيد....
بس يعنى .... ابقى افتكرنى....
لو فى مرة شفتها بتشرق.....
و ابقى تانى برضه افتكرنى ....
و هى فى البحر بتغرق